फ्यूजन नेपालले भक्तपुरमा सञ्चालन गरेको कम्प्युटर शिक्षा कक्षाको दीक्षान्त कार्यक्रम सम्पन्न भएको छ ।
सूर्यविनायक नगरपालिका वडा नं. ५ मा रहेको फ्युजन नेपालको कार्यालयमा सम्पन्न भएको दीक्षान्त समारोहबाट जम्मा ६८ जना दीक्षित भएको हो । फ्युजन नेपालको कम्प्युटर तालिम केन्द्रबाट कम्प्युटर शिक्षा प्राप्त गरी आफ्नो पढाइ, रोजगारी तथा व्यवसायमा हालसम्म ६३८ लाभ प्राप्त गरेको छ ।
सो कार्यक्रममा आफ्नो अनुभव प्रस्तुत गर्दै विद्यार्थीहरूले फ्युजन नेपालले बहुमूल्य सीप दिएर आफ्नो जीवन नै परिवर्तन गरिदिएको बताएका थिए । फ्युजन नेपालले सञ्चालन गरेको यस तालिम केन्द्रको सम्पूर्ण व्यवस्थापन एकदमै राम्रो रहेको र शिक्षकले राम्रोसँग सिकाएको उनिहरूले बताए ।
फ्युजन नेपालको कार्यकारी समिति सदस्य खड्ग प्रसाद गौतमबाट सम्पूर्ण दीक्षितहरूलाई प्रमाणपत्र वितरण गरिएको थियो ।
